सभामुखमा कृष्णबहादुर महरा निर्विरोध निर्वाचित
काठमाडौं, फागुन २५
प्रतिनिधिसभा सभामुखमा माओबादी केन्द्रका नेता कृष्णबहादुर महरा निर्विरोध निर्वाचित भएका छन् ।
सभामुखमा अन्य कसैको पनि उम्मेदवारी नपरेपछि महरा निर्विरोध निर्वाचित भएका हुन् । सभामुखको औपचारिक घोषणा भने भोलि हुनेछ ।
महराको प्रस्तावकमा पूर्वसभामुख सुवास नेम्वाङ छन् भने समर्थकमा माओवादी प्रमुख सचेतक देव गुरुङ छन् । माओवादी केन्द्रले आज विहान मात्रै महरालाई सभामुखको उम्मेदवार बनाउने निर्णय गरेको थियो ।
सभामुखमा निर्विरोध निर्वाचित भएपछि महराले संविधान कार्यान्वयन र बाँकी कानुन निर्माणमा भूमिका निर्वाह गर्ने बताएका छन् ।
प्रकाशित मिति: २५ फाल्गुन २०७४, शुक्रबार
