प्रदेश नम्बर १ मा प्रमुख सचिवद्वारा पदबहाली
विराटनगर, माघ २०
प्रदेश नं १ का प्रमुख सचिव यादवराज कोइरालाले आज पदबहाली गर्नुभएको छ ।
आफ्नो पदबहाली गरेपछि आजै उहाँले प्रदेशसभा भवन तथा मुख्यमन्त्री, प्रमुख सचिव र विभिन्न मन्त्रालय रहने कार्यालयको अनुगमन र निरीक्षण गर्नुभयो ।
सो अवसरमा उहाँले सञ्चारकर्मीसँग कुरा गर्दै माघ २२ गते हुने प्रदेशसभा अधिवेशनका लागि सभा भवनको काम तीव्र रूपमा भइरहेको र मन्त्रालयको भवन तोक्ने काम शनिवारसम्म निर्णय हुने जानकारी दिनुभयो ।
विराटनगर अस्थायी मुकाम कायम भएपछि आजसम्म प्रमुख सचिव र चार प्रदेश सचिव विराटनगर आइपुग्नुभएको छ ।
प्रकाशित मिति: २० माघ २०७४, शनिबार
