एमाले र माओबादी केन्द्रबीच भागबण्डा मिल्यो, मुख्यमन्त्री र सभामुख कसको भागमा कति ?
काठमाडौं, माघ १४
एमाले र माओवादी केन्द्रबीच मुख्यमन्त्री, सभामुख र उपसभामुखबारे भागबण्डा मिलेको छ ।
एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच भएको लामो छलफल पछि ६ वटा प्रदेशको भागबण्डा टुंग्याएको हो ।
छलफलबाट चार मुख्यमन्त्री र चार सभामुख एमालेले लिने सहमति भएको छ । माओवादीको भागमा दुई मुख्यमन्त्री र दुई सभामुख परेको छ । उपसभामुख भने माओवादीले चार वटा र एमालेले दुई वटा प्रदेशमा पाउनेछ ।
जसमा प्रदेश १, ३, ४ र ५ को मुख्यमन्त्री एमाले र प्रदेश ६ र ७ को मुख्यमन्त्री माओवादीले लिने सहमति भएको छ ।
यस्तै प्रदेश १, ३, ६ र ७ को सभामुख एमालेले पाएको छ भने ४ र ५ को सभामुख माओवादीले लिनेछ ।
प्रकाशित मिति: १४ माघ २०७४, आइतबार
