आमा बन्दै नायिका नीशा अधिकारी
क्रिकेटर शरद भेष्वाकरसँग नायिका नीशा अधिकारीले बिहे गरेको ७ महिना भयो । असार १६ गते काठमाण्डौको अन्नपूर्ण होटलमा नायिका अधिकारी र क्रिकेटर भेष्वाकर बिहे बन्धनमा बाँधिएका थिए ।
उनै, नायिका नीशा अधिकारीले आफू आमा बन्ने तयारीमा लागेको जानकारी फेसबुकबाट गराएकी छिन् । नीशाले आफू गर्भवती भएको ५ महिना भएको समेत जानकारी दिएकी छिन् ।
नीशाले अंग्रेजी नयाँ बर्षको अवसर पारेर आफ्ना फ्यानमाँझ खुशीको खबर शेयर गरेकी हुन् । चलचित्र ‘झ्यानाकुटी’ निर्माण गरेकी नीशाले चलचित्र रिलिज भएपछि आमा भएको घोषणा गरेकी हुन् ।
उनले, आफूले थाहा नपाइ नै आफू आमा भैसकेको लेखेकी छिन् । जुन दिनदेखि आफ्नो पेटमा बच्चा बस्यो, सोहि दिनदेखि आफू आमा भैसकेको नीशाको भनाई छ ।
प्रकाशित मिति: १८ पुस २०७४, मंगलबार
