मतदान गरेपछि प्रचण्डले के भने ?
चितवन, मंसिर २१
नेकपा माओवादी केन्द्रका अध्यक्ष पुष्पकमल दाहाल प्रचण्डले बिहान सात बजे मतदान गरेका छन् ।
पूर्वप्रधानमन्त्री समेत रहेका प्रचण्डले भरतपुर महानगरपालिका वडा नम्बर १४, शान्तिपुरस्थित राष्ट्रिय आधारभूत विद्यालय केन्द्रबाट मतदान गरेका हुन् ।
मतदान गरेपछि पत्रकारहरुसँग कुरा गर्दै प्रचण्डले देश समृद्धिको यात्रामा हिड्न शुरु गरेको प्रतिक्रिया दिए । अब देशमा राजनीतिक स्थायीत्व हुने र आर्थिक समृद्धिको बाटोमा अघि बढ्ने उनको भनाइ थियो ।
शान्ति प्रक्रियापछि पहिलो पटक आफ्नै वडामा मतदान गर्न पाउँदा आफूलाई खुसी र गर्वको महसुस भएको उनले बताए ।
देशमा वामपन्थीको नेतृत्वमा सरकार बन्ने पनि बताए । प्रचण्डले सबैलाई ऐतिहासिक चुनावमा सहभागी हुन अपिल पनि गरेका छन् ।
प्रकाशित मिति: २१ मंसिर २०७४, बिहिबार
