छोराको निधनको शोकमा रहेका प्रचण्ड जब बम विस्फोटका घाइते भेट्न गए… (भिडियोसहित)
काठमाडौं, मंसिर ५
छोराको निधनले शोकमा रहेका माओवादी केन्द्रका अध्यक्ष पुष्पकमल दाहाल प्रचण्ड मंगलबार चितवनम गए । दिउँसो वाम गठबन्धनको चुनावी सभामा सहभागीका उनी बेलुका बम विष्फोटका घाइतेलाई भेट्न जाँदा अवस्था भिन्न बन्यो ।
उनले चितवन मेडिकल कलेज पुगेर रौतहटमा भएको बम विस्फोटका घाइते सरिता राई र जैविक राईको स्वास्थ्य अवस्थाबारे जानकारी लिएका हुन् ।
मंसिर ४ गते अज्ञात समूहको आक्रमणबाट घाइते आमा सरिता र छोरा जैविकको चितवन मेडिकल कलेजको सघन उपचार कक्षको १४ र १५ नम्बर बेडमा उपचार भइरहेको छ ।
प्रचण्ड अस्पताल पुगेपछि सर्वसाधारणले प्रचण्डप्रति सहानुभूति व्यक्त गरेका थिए । उनीहरुले छाेरा गुमाएकाे पीडामा पनि जनताको समस्या बुझ्न आएकोमा प्रचण्डको प्रशंसा गरेका थिए ।
उनको साथमा माओवादी नेता मातृका यादव लगायत पनि अस्पताल पुगेका थिए ।
प्रकाशित मिति: ५ मंसिर २०७४, मंगलबार