भोजपुरमा संघीय समाजवादी फोरमका नेता धमाधम एमालेमा प्रवेश गर्दे

भोजपुर, कात्तिक २९
भोजपुरमा संघीय समाजवादी फोरम नेपालका नेताहरु धमाधम एमालेमा प्रवेश गर्न थालेका छन् ।

बुधबार बामगठबन्धनको टेम्के मैयुङ गाउँपालिका ३, अन्नपुर्णमा भएको संयुक्त चुनावी सभामा संघीय समाजवादी फोरम नेपालका नेता हर्कराज राई एमालेमा प्रवेश गरका हुन् ।

फोरमकाा हर्कराज राईसंगै नेपाली कांग्रेसका अन्य दुईजना कार्यकर्ताहरु पनि एमालेमा प्रवेश गरेका छन । नेपाली कांग्रेसबाट प्रवेश गर्नेहरुमा अन्नपूर्ण गाउँस्तरीय नेता ईन्द्र थापा र खम्बासेर राई पनि बुधबारकै चुनावी सभा कार्यक्रमकाविच एमालेमा प्रवेश गरेका हुन ।

उनीहरुलाई नेकपा एमालेका केन्द्रीय सदस्य तथा प्रदेश सभा भोजपुर क्षेत्र १ का उम्मेदवार राजेन्द्रकुमार राई र नेकपा एमालेका केन्द्रीय सदस्य हरीबहादुर राईले फुलमाला अबिरजात्रा गराएर एमालेमा प्रवेश गराएका थिए । र्हकराज राई एमाले छाडेर संघीय समाजवादी फोरममा सक्रिय थिए भने कांग्रेसबाट प्रवेश गर्ने थापा र राई लामो समयदेखि कांग्रेसका सक्रिय कार्यकर्ता हुन ।

एमालेले लिएको नीति र राष्ट्रियताको एजेन्डालाई आत्मसाथ गर्दै एमालेमा प्रवेश गरेको उनीहरुले बताए ।