अल्छि देउवा : मनोनयन नै यसरी गरे, चुनाव जित्लान ?

काठमाडौँ, कात्तिक १६
प्रधानमन्त्री एवं नेपाली काँग्रेसका सभापति शेरबहादुर देउवाले कार्यव्यस्तताका कारण वारेसनामामार्फत उम्मेदवारी दर्ता गराएका छन् ।

पार्टीका तर्फबाट डडेल्धुरामा प्रतिनिधि सभा सदस्य उम्मेदवार रहेका प्रधानमन्त्री देउवाले आफ्ना सहयोगी गणेशप्रसाद पन्तमार्फत उम्मेदवारी दर्ता गरेको प्रधानमन्त्रीका स्वकीय सचिव केशवराज जोशीले जानकारी दिए ।

आगामी मंसिर २१ गते हुने दोस्रो चरणको प्रतिनिधि सभा र प्रदेश सभा सदस्य निर्वाचनको लागि निर्वाचन आयोगले आज उम्मेदवारी मनोनयन गर्ने तालिका तोकेको थियो ।

पार्टीका उम्मेदवार तय गर्न बुधबार रातिसम्म पार्टीको संसदीय समितिको बैठकमा व्यस्त हुनु परेकाले प्रधानमन्त्री देउवा उम्मेदवारी दर्ता गर्न आफू जान नसकेको बताइएको छ । देउवाको यो अल्छि पाराले आगामी चुनाव जित्न मुस्किल रहेको कांग्रेस वृत्तमा चर्चा शुरु भएको छ ।