मलेसियामा नेपाली कामदार बोकेको बस दुर्घटनामा ८ को मृत्यु
काठमाडौं, कार्तिक ७
मलेसियाको पेनाङमा भएको सवारी दुर्घटनामा ८ विदेशी कामदारको मृत्यु भएको छ । मृत्यु हुनेमा नेपाली समेत रहेको आशंका गरिएको छ ।
सोनी कम्पनीको कारखानामा कार्यरत नेपाली र इन्डोनेसियन कामदार बोकेको बस अर्को बससँग जुध्दा दुर्घटना हुन पुगेको मलेसियन सञ्चारमाध्यमहरुले जनाएका छन् ।
मंगलबार बिहान भएको दुर्घटनामा अरु ३३ कामदार घाइते भएको पनि बताइएको छ । जसमध्ये २३ को अवस्था गम्भीर रहेको छ ।
मृत्यु भएकामध्ये सबै महिला भएको बताइएपनि पहिचान खुल्न बाँकी रहेको छ ।
प्रकाशित मिति: ७ कार्तिक २०७४, मंगलबार
