खुला ब्याडमिन्टनमा रत्नजितको विजयी शुरुवात

काठमाडौं, भदौ २२
सर्वाधाधिक नगद पुरस्कार राशिको दोस्रो जेस्ट राष्ट्रिय खुला ब्याडमिन्टनमा रत्नजित तामाङले विजयी सुरुआत गरेका छन् । आठ इभेन्टमा हुने प्रतियोगिताको कुल पुरस्कार राशि ३ लाख २८ हजार रहेको छ ।

मेन्स सिंगलमा बुधबार आर्मीका शीर्ष खेलाडी रत्नजितसँगै एपीएफका साजनकृष्ण ताम्राकार, सुमन लिम्बू, विजित थापा र सुदीप सेढाईं, पुलिसका गौतम कठायत र विष्णु कटुवाल, शेर्पा ट्रेडर्सका सुनील जोशी र प्रिन्स दाहाल, पुलिसका दिपेश धामी र दीपक बोहरा, कम्पिट हेल्थ क्लबका जीवन आचार्य र नीरविक्रम देवकोटा, सेनाका नवीन श्रेष्ठ र प्रफुल्ल महर्जन, कैलालीका सन्जिव खड्काले दोस्रो चरणको यात्रा तय गरेका छन् ।