सुनकाे मूल्य ४८ हजारमा झर्यो

काठमाडौं, साउन ६

केही दिनदेखि अन्तराष्ट्रिय बजारमा नै आरोलो लाग्दै आएको सुनको मूल्यमा बुधबारसम्म आइपुग्दा नेपाली बजारमा भारी गिरावट आएको छ। नेपाली बजारमा बुधबार छापावाल सुन प्रतितोला ४८ हजार रुपैयाँमा कारोबार भएको छ ।

त्यस्तै, बुधबार तेजावी सुन प्रतितोला ४७ हजार ७ सय ५० र चाँदी प्रतितोला ६ सय ६५ रुपैयाँमा कारोबार भइरहेको छ। याे मूल्य ४ वर्षयताकै न्यून हाे। चार वर्षअघि २०६८ साल साउन २३ गते सुनकाे मूल्य ४७ हजार ५ सय रुपैयाँमा अाेर्लिएकाे थियाे ।

त्यसयताकाे सबैभन्दा कम २०७० साल असारमा पनि सुन प्रतितोला सुनकाे मूल्य ४८ हजार १ सय रुपैयाँमा झरेको थियो। हालै प्रस्तुत चालू आर्थिक वर्षको बजेटले सुनमा लाग्दै आएको भन्सार शुल्कमा प्रतितोला १ हजार रुपैयाँ घटाइएको र अन्तरराष्ट्रि बजरमा सुनको मूल्य घटेकोले नेपाली बजारमा पनि त्यसको प्रभाव देखिएको विष्लेषकहरुले बताएका छन्।