क्यानाडाको अल्ट्रा म्याराथनमा भोजपुरकी मीरा चौथो

भोजपुर, साउन ४

नेपालकी अल्ट्रा धाविका मीरा राईले इटालीमा आइतबार सम्पन्न स्काई रनिङ वल्र्ड सेरिजअन्तर्गत डोलोमिटिज स्काई रेसमा चौथो स्थान हात पारेकी छन् । स्काई रनिङमा भर्खर पारंगत बन्न थालेकी मीरासँग उक्त प्रतियोगिताको खासै अनुभव थिएन ।

उक्त रेसमार्फत उठेको रकम र विजेताको रकम आयोजकले मीरा राईमार्फत नेपालका भूकम्पपीडितको सहयोगार्थ हस्तान्तरण गर्ने बताइएको छ । उक्त रकम मीरामार्फत ट्रेल रनिङ नेपालले पीडितको सहयोगमा खर्च गर्ने मिराको फेसबुकमा उल्लेख छ ।
अल्ट्रा धाविकाको रूपमा विश्वभर पहिचान बनाएकी मीराले हालै फ्रान्सको चामोनिक्समा भएको ८० किलोमिटर दूरीको मोन्ट ब्लान्क अल्ट्रा म्याराथनको उपाधि जितेकी थिइन् । मीराले यसअघि हङकङमा भएको ५० किलोमिटरको एसियन स्काई रनिङ अल्ट्रा च्याम्पियनसिप र इटालीमा भएको इन्टरनेसनल अल्ट्रा रनको उपाधि पनि जितेकी थिइन् ।