निर्वाचन नजिकिँदै गर्दा राजपा उत्साहित, मधेस पुगेर राजेन्द्र महताे यसो भने
धनुषा, भदौ ३
राष्ट्रिय जनता पार्टी नेपाल (राजपा) का अध्यक्षमण्डलका सदस्य राजेन्द्र महतोले निर्वाचनका लागि सकारात्मक वातावरण बनिरहेको बताउनुभएको छ ।
बाढी प्रभावित मधेशका जिल्लामा राहत वितरण गर्न आउनुभएका नेता महतोले शुक्रबार सञ्चारकर्मीसँग कुरा गर्दै मधेशी समस्या समाधानका लागि यही भदौ ५ गते हुने मतदानमा सम्पूर्ण दललाई सहभागी हुन गर्नुभयो ।
उहाँले मधेशका जिल्लामा राहतको कार्यक्रम प्रभावकारी हुन नसकेको गुनासो गर्दै राजपाले राहतका लागि रु २६ अर्बको माग गरेकामा सरकारले रु एक अर्ब निकासा गरे पनि सम्बन्धित जिल्लामा पुग्न नसकेको बताउँदै राहत वितरणका लागि प्राधिकरण नै गठन हुनुपर्ने माग गर्नुभयो । रासस
प्रकाशित मिति: ३ भाद्र २०७४, शनिबार
