बंगलादेशसंगको मैत्रीपूर्ण खेलमा नेपाल विजयी
काठमाडौं, असार २७
नेपाल र बंगलादेशबीच मंगलबार भएको २३ वर्ष मुनिको मैत्रीपूर्ण फुटबल खेलमा नेपालले बंगलादेशलाई १ शून्यले पराजित गरेको छ ।
सातदोबाटोस्थित मैदानमा भएको खेलमा नेपाललाई जित दिलाउन २० औं मिनेटमा कप्तान विमल घर्तीमगरले गोल गरे । अन्जन विष्टको पासलाई घर्तीमगरले गोल गरे ।
संयुक्त अरब इमिरेट्स (युएई) मा हुने यु–२३ च्याम्पियनसिप छनोटको तयारीमा रहेको नेपाली टोलीले अभ्यास खेलको रूपमा बङ्गलादेशको राष्ट्रिय टोलीसँग मैत्रीपूर्ण खेल खेलेको हो ।
प्रकाशित मिति: २७ असार २०७४, मंगलबार
