मोरङको रंगेली नगरपालिकाको मेयरर पद माओबादीको पोल्टामा, उपमेयरमा विवाद
मोरङ, असार २२
मोरङको रंगेली नगरपालिकामा नेकपा माओबादी केन्द्रले जित हात पारेको छ । माओबादी केन्द्रका उम्मेदवार दिलिप अग्रवाल ८ हजार ६८ मत ल्याएर मेयरमा विजयी भएका छन् ।
उनका निकटतम् प्रतिस्पर्धी कांग्रेसका मोदराज घिमिरेले ६ हजार १८६ मत प्राप्त गरेर पराजित भए । उपमेयरमा भने विवाद उत्पन्न भएको छ ।
उपमेयरमा पनि माओवादी कन्द्रकी केशकुमारी खनाल १२ मतले विजयी भएपछि कांग्रेसले त्यसलाई नस्वीकार्दा विवाद उत्पन्न भएको छ ।
उनले ५ हजार ७२० मत प्राप्त गरेकी छन् भने उनकी प्रतिद्वन्द्वी राधादेवी मण्डलले ५ हजार ७०८ मत प्राप्त प्राप्त गरेकी छन्। कांग्रेसले मतगणनामा तलमाथि भएको भन्दै पुनः मतगणना गरेपछि वडा नम्बर ७ मा पुनः मतगणना हुने भएको छ ।
प्रकाशित मिति: २२ असार २०७४, बिहिबार
