माओवादीले सरकारमा पठाउने मन्त्रीको नाम टुंग्यायो, को-को हुने भए मन्त्री ?
काठमाडौं, असार २१
नेकपा माओवादी केन्द्रले सरकारमा पठाउने मन्त्रीहरुको नाम टुंगो लगाएको छ । माओवादी केन्द्रले पाँच जना मन्त्रीको नाम फाइनल गरेको छ भने उनीहरू मध्ये दुई जनाको मन्त्रालय समेत टुंगो लागेको छ ।
माओवादीले सात जना मन्त्री सत्ताको नेतृत्व गरेको कांग्रेससँग माग गरेको छ । आफ्नो पार्टीले कम्तिमा ६ र बढीमा ७ जना मन्त्री पाउनुपर्ने माग गरेको माओवादी नेतृ पम्फा भुसालले बताइन्।
यसअघि माओवादीका तीन मन्त्री भइसकेका छन् । माओवादीबाट मन्त्री हुनेमा महेन्द्रबहादुर शाही, श्यामकुमार श्रेष्ठ,शिबकुमार मण्डल, टेकबहादुर बस्नेत र आशा कोइराला रहेको बताइएको छ ।
प्रकाशित मिति: २१ असार २०७४, बुधबार
