धनगढीको मतगणनामा विवाद, दलहरुद्वारा बहिस्कार
धनगढी, असार १८
कैलालीको धनगढी उपमहानगरपालिकाको मतगणनामा विवाद उत्पन्न भएको छ । वडा नम्बर १७ को मतगणनाका क्रममा एउटा बुथमा मुचुल्का भन्दा तीन मत बढी देखिएको र अर्को बुथमा मुचुल्का नै हराएपछि मतगणना कार्य रोकिएको छ ।
मुख्य निर्वाचन अधिकृत धनसिंह महराले हराएको मुचुल्का ल्याउन नसक्ने बताएपछि दलका प्रतिनिधिले मतगणना नै बहिस्कार गरेका छन् ।
मतगणना कार्य अगाडि बढाउनका लागि दलहरुबीच सहमतीको प्रयास भइरहेको छ ।
यसअघि पनि गणनामा जोडिएको मत परिणाम र कम्प्युटरमा जोडिएको मत परिणाम फरक परेपछि दलहरुले बहिस्कार गर्दा मतगणना रोकिएको थियो ।
प्रकाशित मिति: १८ असार २०७४, आइतबार
