पूर्व सहायक मन्त्री चन्द नगरपालिकाको मेयर बने
बैतडी, असार १८
पूर्व सहायक मन्त्री केशबबहादुर चन्द बैतडीको पाटन नगरपालिकाको मेयरमा निर्वाचित भएका छन् । नेपाली कांग्रेसको मेयर पदका उम्मेदवार चन्दले ४ हजार ८३३ मत ल्याएर विजयी भए ।
उनका निकटतम प्रतिद्वन्द्वी एमालेका नरेश बिकले ३ हजार ३ सय ८२ मत प्राप्त गरे ।
यस्तै, उपमेयरमा पनि कांग्रेसकै सरस्वती कोली ३ हजार ६ सय ९५ मत ल्याएर विजयी भइन् । उनका निकटतम प्रतिद्वन्द्वी एमालेकी दुरा भट्टराईले ३ हजार ४ सय ५६ मत प्राप्त गरिन् ।
पाटन नगरपालिकामा कांग्रेस, एमाले र माओबादीले तीन/तीन वडा जितेका छन् ।
प्रकाशित मिति: १८ असार २०७४, आइतबार
