नेपालगञ्ज उपमहानगरमा राप्रपाका धवलशम्सेर अग्रता लिँदै
नेपालगञ्ज, असार १६
नेपालगञ्ज उपमहानगरपालिकामा राष्ट्रिय प्रजातन्त्र पार्टीका धवलशम्सेर राणाले अग्रता लिएका छन् ।
पछिल्लो मतगणनाअनुसार उनले ८८६ मत ल्याएका छन् । उनलाई ४५८ मत प्राप्त गर्दै माओबादी केन्द्रका उम्मेदवार दामोदर आचार्यले पछ्याइरहेका छन् ।
त्यस्तै, कांग्रेसका डा. सुरेशकुमार कनोडियाले ४५४ र एमालेका समशुद्दिन सिद्दिकीले २९९ मत ल्याएका छन् । उपमेयर पनि राप्रपाले नै अग्रता लिइरहेको छ ।
राप्रपाका मेयरका उम्मेदवार राणा २० वर्षअघि नेपालगञ्जकाे मेयर भइसकेका व्यक्ति हुन् । राप्रका केन्द्रीय उपाध्यक्ष समेत रहेका राणा तत्कालिन समयमा एमालेबाट मेयर बनेका थिए ।
प्रकाशित मिति: १६ असार २०७४, शुक्रबार
