रसुवामा छुट्टाछुट्टै स्थानमा दुईले नदीमा हाम फाले, एकको मृत्यु, एक बेपत्ता
रसुवा, असार १०
रसुवा जिल्लामा भएका दुई छुट्टाछुट्टै घटनामा एकको मृत्यु र एक बेपत्ता भएका छन् ।
जिल्ला प्रहरी कार्यालय, रसुवाका अनुसार मृत्यु हुनेमा पार्वतीकुण्ड गाउँपालिका वडा नं ५ बस्ने १८ वर्षीया सरिता तामाङ रहेकी छन् । उनको शुक्रबार चिलिमे खोलामा हामफालेर मृत्यु भएको र थप अनुसन्धान भइरहेको प्रहरीले बताएको छ ।
यस्तै, आज बिहान उत्तरगया गाउँपालिकाको पहिरेबेँसीबाट त्रिशूली नदीमा हामफाली सोही गाविस–५ का २६ वर्षीय तीर्थराज आचार्य बेपत्ता भएका छन् । उनको खोजीकार्य जारी रहेको प्रहरीले जनाएको छ ।
नदीमा पानीको बहाव बढिरहेकाले खोजीकार्यमा कठिनाइ भइरहेको बताइएको छ । रासस
प्रकाशित मिति: १० असार २०७४, शनिबार
