अाज अमेरिकासँग भिड्दै नेपाल

नेपाली टोलीका प्रशिक्षक पुबुदु दासानायके भारत तथा युरोपको भ्रमणबाट टोलीको आत्मविश्वास र परिपक्वता बढेको कारण सफल नतिजा ल्याउनेमा आशावादी छन्। ‘प्रतियोगिताको पहिलो खेलमा सधैं दबाब हुन्छ। तर, खेलाडीमा पछिल्ला दुई भ्रमणले दबाब झेल्ने परिपक्वता बढेको छ। अमेरिकी टोलीमा पनि धेरै नयाँ खेलाडी छन्, तर हामी उनीहरूलाई जित्न सक्षम छौं,’ पुबुदुले भने।उता ज्ञानेन्द्रले अमेरिकासँगै हङकङ, नामिबिया र पपुवा न्युगिनीजस्ता बलिया टोलीको बीचमा नेपालले कडा प्रतिस्पर्धा गर्नुपर्ने स्वीकारेका छन्। ‘हाम्रो समूहमा धेरै बलिया टिम छन्। हङकङ, नामिबिया र पपुवा न्युगिनीले पछिल्लो समय राम्रो गरिरहेका छन्। अमेरिकालाई पनि हामी पर्याप्त सम्मान गर्छौ,’ उनले भनेका छन्, ‘तर, हामी विपक्षीबारे धेरै सोच्ने छैनौं। हामीले सबैसँग खेलेका छौं र सबैलाई हराउन सक्छौं भन्ने विश्वास छ।’

‘हाम्रो टोलीमा केही असाधारण युवा प्रतिभा छन्। उनीहरूसँग अनुभव अली कम भएको मात्र हो। विस्तारै ती प्रतिभाले नेपाललाई ठूलो सफलतातिर डोर्यासउने छन्,’ उपकप्तान ज्ञानेन्द्रलाई उद्धृत गर्दै क्रिकइन्फोले अगाडि भनेको छ।