भारतले रोक्यो चार सय नेपाली ग्यास बुलेट, ग्यास बुलेट सञ्चालनमा अवरोध

काठमाडौं, असार ८
भारत सरकारको असहयोगले नेपालका करिब चार सय ग्यास बुलेट नौ महिनादेखि भारतमा अड्किएका छन् । नेपालमा ग्यास ढुवानी गर्दै आएका भारतीय व्यवसायीको बिजनेस खोसिने भएपछि भारतले विभिन्न बाहना बनाएर नेपाली ग्यास बुलेट सञ्चालनमा अवरोध गरेको हो । आजको नागरिक दैनिकमा खबर छ ।

ग्यास ढुवानीमा भारतीय निर्भरता हटाउनका लागि सरकारले बुलेट खरिद आयातमा छुट दिएपछि नेपाली उद्योगीले बुलेट खरिद गरेका थिए । उद्योगीले सबै कानूनी प्रक्रिया पूरा गरे पनि भारतले ‘एक्स्प्लोसिभ’ विभागले एक्स्प्लेसिभ प्रमाणपत्र दिएको छैन ।
भारतले एक्स्प्लोसिभ प्रमाणीकरण नगरेर अल्झाएको नेपाल एलपी ग्यास उद्योग संघका अध्यक्ष शिव घिमिरेले बताए ।