नेपाल भ्रमण गर्ने तयारीमा मोदी, यी ठाउँमा हुनेछ सम्भावित भ्रमण
काठमाडौं, असार ६
भारतका प्रधानमन्त्री नरेन्द्र मोदी नेपाल भ्रमण गर्ने तयारी गरिरहेका छन् । उनको नेपाल भ्रमण गर्ने मिति तय नभएको भएपनि सरोकारवालाहरुसंग परामर्श सुरु गरिसकेका छन् । आजको नयाँ पत्रिकामा खबर छ ।
मोदीको सम्भावित भ्रमणबारे भारतीय विदेश मन्त्रालयले सरोकारवालासँग परामर्श थालेको हो । सार्कको शिखर सम्मेलनमा सहभागी हुन नेपाल आउँदा मोदीले जनकपुर, मुक्तिनाथ र लुम्बिनी भ्रमण गर्ने तयारी थियो, तर सुरक्षाको कारण देखाउँदै अन्तिममा रद्द भएको थियो ।
‘पहिला जान बाँकी ठाउँमा भ्रमण गर्न मोदी इच्छुक हुनुहुन्छ, यसपटक अरुण तेस्रो जलविद्युत् आयोजना शुभारम्भ गर्ने र बाँकी धार्मिक क्षेत्रको भ्रमणमा जाने सम्भावना हुन सक्छ,’ भाजपाका विदेश विभाग सदस्य अजित कुमारले भने ।
सम्भावित भ्रमणबारे विदेश मन्त्रालयले पनि एक चरण सरोकारवालाहरूसँग गत साता परामर्श गरेको थियो ।
प्रकाशित मिति: ६ असार २०७४, मंगलबार
