लण्डनमा अर्को आक्रमण, मान्छे कुल्चिदै दौडियो भ्यान
एजेन्सी असार ५
लण्डनमा फेरि अर्को आक्रमण भएको छ । लगातार रुपमा भइरहेको आक्रमणपछि फेरि गएराति मध्यरातमा फिन्सबरी पार्क क्षेत्रको सेवन सिस्टर रोडमा आक्रमण भएको हो ।
रमजानको प्रार्थनाका लागि मस्जिदतर्फ गइरहेका पैदलयात्रीलाई तीब्र रुपमा आएको भ्यानले कुल्चेको छ । जसले गर्दा एकजनाको मृत्यु भएको र आठ जना घाइते भएका छन् । आक्रमण कसले गरेको हो भन्ने खुल्न सकेको छैन ।
लण्डन मेट्रोपोलिटन पुलिसले सेवेन सिस्टर रोडलाई अहिले बन्द गरेको छ । अन्धाधुन्द ठक्कर दिने भ्यान चालकलाई प्रहरीले नियन्त्रणमा लिएको छ ।
प्रकाशित मिति: ५ असार २०७४, सोमबार
