अर्थमन्त्री कार्कीद्वारा पदबहाली
काठमाडौँ, जेठ २४
अर्थमन्त्री ज्ञानेन्द्रबहादुर कार्कीले आज पदबहाली गर्नुभएको छ । मन्त्री कार्कीले पदबहाली गर्दै जनतालाई प्रत्यक्ष लाभ हुने तथा मुलुकको आर्थिक वृद्धि हुने गरी काम गर्ने प्रतिबद्धता व्यक्त गर्नुभयो ।
उहाँले अर्थ मन्त्रालय आफ्ना लागि नौलो मन्त्रालय भए पनि अत्यन्त मेहनतका साथ आर्थिक समृद्धिलाई नै मुख्य प्राथमिकता दिने बताउनुभयो ।
मन्त्रालयका सचिव शान्तराज सुवेदीले करिव २३ वर्षपछि मुलुकको आर्थिक वृद्धिदर सकारात्मक ढङ्गबाट अगाडि बढिरहेका सन्दर्भमा त्यसलाई अझै बढाउनेतर्फ मन्त्रालयको ध्यान केन्द्रित भएको बताउनुभयो ।
मन्त्रालयका राजस्व सचिव राजन खनाल र नेपाल राष्ट्र बैंकका गभर्नर डा चिरञ्जीवी नेपालले मन्त्री कार्कीलाई सफल कार्यकालको शुभकामना व्यक्त गर्नुभयो ।
प्रकाशित मिति: २४ जेष्ठ २०७४, बुधबार
