अकूत सम्पत्ती जोडेको आरोपमा आन्तरिक राजश्व विभागका महानिर्देशक शर्मा पक्राउ

काठमाडौं, जेठ १९

अकूत सम्पत्ती आर्जन गरेको आरोपमा आन्तरिक राजश्व विभागका महानिर्देशक चुडामणि शर्मा पक्राउ परेका छन् । शर्मालाई अख्तियार दुरुपयोग अनुसन्धान आयोगले पक्राउ गरेको हो ।

कर फर्छ्यौट आयोगबाट २० अर्ब रुपैयाँ उन्मुक्ति, एनसेल बिक्री करमा छुटको लबिङ लगायतका विवादित मुद्दामा मुछिएका शर्मालाई आज अख्तियारले पक्राउ गरेर अनुसन्धान थालेको हो ।

लाजिम्पाटस्थित आन्तरिक राजश्व विभागबाटै दिउँसो १२:३० बजे उनलाई अख्तियारको टोलीले नियन्त्रणमा लिएको थियो। उनीमाथि राजश्व विभागमा रहँदा भ्रष्टाचार गरेलगायतका उजुरीका आधारमा अख्तियारले पक्रेको हो ।