शेखर गोल्छा भन्छन्–‘मुलुकको पहिलो एजेन्डा आर्थिक’
पथरी (मोरङ), जेठ १७
उद्योग वाणिज्य महासङ्घका वरिष्ठ उपाध्यक्ष शेखर गोल्छाले मुलुकको पहिलो एजेन्डा आर्थिक भएको बताउनुभएको छ ।
उद्योग सङ्गठन मोरङको स्वर्णजयन्तीको अवसरमा आयोजित कार्यक्रममा उहाँले सरकारले प्रस्तुत गरेको बजेट भाषणमा निर्वाचन आचारसंहिता देखाएर उद्योगीका समस्यालाई पन्छाएको आरोप लगाउनुभयो । मुलुकको पहिलो एजेन्डा राजनीतिक नभई आर्थिक भएको उहाँको भनाइ थियो ।
गोल्छाले विदेशिएका नेपालीले कमाएर पठाएको पैसाले मुलुक चलेको बताउनुभयो ।
कार्यक्रममा सांसद पवन सारङ्गा, प्रमुख जिल्ला अधिकारी यज्ञराज कोइरालालगायतले उद्योग सङ्गठन मोरङ ५० वर्ष पुगेकोमा शुभकामना व्यक्त गर्नुभएको थियो । विसं २०२४ मा सो सङ्गठनको स्थापना भएको हो । रासस
प्रकाशित मिति: १७ जेष्ठ २०७४, बुधबार
