सुनको मूल्य फेरि उकालोमा

काठमाडौं, जेठ २
एक हप्ता यता केही घटेको सुनको मूल्य फेरि उकालो लागेको छ ।

आज सुनको मूल्य २ सय रुपैयाँले बढेर प्रतितोला ५३ हजार ५ सय रुपैयाँ पुगेको छ । हिजोसम्म सुन ५३ हजार ३ सय रुपैयाँमा खरिद विक्रि भएको थियो ।

त्यस्तै, चाँदीको मूल्य पाँच रुपैयाँले बढेको छ ।  हिजोसम्म ७ सय ४० रुपैयाँमा कारोबार भइरहेको चाँदी आज ७ सय ४५ रुपैयाँ पुगेको नेपाल सुनचाँदी व्यवासायी महासंघले जनाएको छ ।