एक हजार चार सय घट्यो सुनको भाउ
काठमाडौं, वैशाख २३
नेपाली बजारमा यो साता पहेँलो धातु अर्थात सुनको भाउ एक हजार चार सय रुपैयाँले घटेको छ । वैशाख १७ गते साताको पहिलो दिन प्रतितोला ५४ हजार ९ सय रुपैयाँमा कारोबार भएको सुनको भाउ साताको अन्तिम दिन वैशाख २२ गते ५३ हजार पाँच सय रुपैयाँमा कारोबार भएको हो ।
त्यस्तै चाँदीको भाउ पनि एक सातामा ३० रुपैयाँले घटेको छ । साताको पहिलो दिन चाँदी ७ सय ७० रुपैयाँ थियो भने साताको अन्तिम दिन प्रतितोला ७ सय ४० रुपैयाँमा कारोबार भएको थियो ।
प्रकाशित मिति: २३ बैशाख २०७४, शनिबार
