दुर्घटनामा एकजनाको मृत्यु
स्याङ्जा, वैशाख १७
स्याङ्जाको ओरष्टेबाट बिरुवा बजारका लागि छुटेको जीप दुर्घटना हुँदा एकजनाको ज्यान गएको छ । अन्य नौ जना घाइते भएका छन् ।
ग १ ज ५९४३ नम्बरको जीप शनिबार पल्टिँदा बिरुवा अर्चले गाउँपालिका–४ का ३१ वर्षका बेलबहादुर थापाको ज्यान गएको जिल्ला प्रहरी कार्यालयले जनाएको छ ।
थापाको उपचारका क्रममा जिल्ला अस्पतालमा ज्यान गएको हो । गम्भीर घाइते पाँचजनालाई उपचारका लागि पोखरा लगिएको छ । अन्य चार जनाको स्थानीय स्वास्थ्य संस्थामा उपचार भएको छ ।
प्रकाशित मिति: १७ बैशाख २०७४, आइतबार
