दुर्घटनामा एक जनाको मृत्यु
पाल्पा, वैशाख १०
पाल्पाको पालुङ्गमैनादीमा भएको जीप दुर्घटनामा एकजनाको ज्यान गएको छ । दुर्घटना दुईजना गम्भीर घाइते भएका छन् । रिब्दीकोट गाउँपालिका–७ पालुङ्गमैनादीबाट सदरमुकाम तानसेनका लागि छुटेको लु १ ज १५८१ नम्बरको जीप आइतबार बिहान ८ बजे पालुङ्गमैनादीमा दुर्घटना भएको हो ।
दुर्घटनामा पालुङ्गमैनादी–७ का ३० वर्षका दानबहादुर गाहाको घटनास्थलमै ज्यान गएको छ । घाइते पालुङ्गमैनादी–७ कै ४६ वर्षका प्रेमबहादुर गाहा र उहाँका छोरा १० वर्षका भुवन गाहालाई उपचारका लागि तानसेन लगिएको ईलाका प्रहरी कार्यालय मुझुङ्गले जनाएको छ ।
चालक सूर्यबहादुर कुँवर भागेर ईलाका प्रहरी चौकी भालुखान पुगेको स्थानीय बासिन्दाले बताएका छन् । जीपमा चालकसहित चार जना मात्रै रहेको प्रहरीले बताएको छ ।
प्रकाशित मिति: १० बैशाख २०७४, आइतबार
