गुजरातले कोलकातालाई चार विकेटले हरायो
![](https://www.deshkonews.com/wp-content/uploads/2017/04/gujraat.jpg)
काठमाण्डौ, वैशाख ९
इण्डियन प्रिमियर लिग आइपिएल क्रिकेट आइपिएल अन्तर्गत शुक्रबार राति भएको खेलमा गुजरात लायन्स विजयी भएको छ । कोलकातामा भएको खेलमा गुरातले कोलकाता नाइट राइडर्सलाई चार विकेटले हराएको हो ।
कोलकाताले प्रस्तुत गरेको १ सय ८८ रनको लक्ष्य गुजरातले १० बल बाँकी हुँदा ६ विकेटको क्षतिमा भेट्टायो । उसका लागि कप्तान सुरेश रैनाले सर्वाधिक ८४ रन बनाए भने बे्रण्डन म्याकुलमले ३३ तथा अरोन फिन्चले ३१ रन बनाए ।
कोलकाताका कुलदीप यादव र नाथन नाइलले समान दुई दुई विकेट लिए । यसअघि पहिले ब्याटिङ गरेको कोलकोताले निर्धारित २० ओभरमा ५ विकेटको क्षतिमा १ सय ८७ रन बनायो ।
उसका लागि रोबिन उथप्पाले सर्वाधिक ७२, सुनील नारिनले ४२, कप्तान गौतम गाम्भिरले ३३ तथा मनिष पाण्डेले २४ रन बनाएका थिए । ६ खेलमा चारमा जित निकालेको दोस्रो स्थानको कोलकाताको ८ अंक छ भने ६ खेलमा दोस्रो जित निकालेको गुजरातको चार अंक भएको छ र उ सातौं स्थानमा छ ।
प्रकाशित मिति: ९ बैशाख २०७४, शनिबार