जिपबाट खसेर बालिकाको मृत्यु
इलाम, वैशाख ५
इलामको माङसेबुङ गाउँपलिका–३ मा सोमबार जिपबाट झरेर एक बालिककाको मृत्यु भएको छ । दमकबाट गजुरमुखीतर्फ जाँदैगरेको मे १ ज १३६४ नम्बरको बोलेरोमा सवार मोरङ उर्लाबारी नगरपालिका–५ बस्ने विकाश श्रेष्ठको ६ बर्षीया छोरी शिखा श्रेष्ठको मृत्यु भएको हो ।
दिउँसो १२ बजेतिर गुडीरहेको बलेरोबाट अचानक खसेकी बालिकाको घटनास्थलमै मृत्यु भएको हो । जिप र चालकलाई जिल्ला प्रहरी कार्यालय इलामले नियन्त्रणमा लिएको छ ।
प्रकाशित मिति: ५ बैशाख २०७४, मंगलबार
