दुर्घट्नामा दुई जनाको मृत्यु
काभ्रे, चैत्र ३०
काभ्रेको रोसी गाउँपालिका वडा नम्बर–११ को भीमखोरी पिप्लेअन्तर्गत सिन्धुली–बर्दिबास राजमार्गमा चारवटा सवारी साधन ठोक्किएर भएको दुर्घटनामा दुई जनाको मृत्यु भएको छ ।
मृत्यु हुनेमध्ये ओखलढुंगा काग्रेश्वरीका मीनबहादुर पौडेलको मात्र सनाखत भएको छ । काठमाडौंबाट सिन्धुली जाँदै गरेको बा ४ ख ६०३ नम्बरको बसले विपरित दिशाबाट आउँदै गरेको बा ४७ प ६७५३ नम्बरको मोटरसाइकल, ना १ ज ४६९५ नम्बरको सुमो र ना १ ज ६५६६ नम्बरको अर्को सुमोलाई ठक्कर दिँदा दुई जनाको घटनास्थलमै मृत्यु भएको छ ।
दुर्घटनामा दर्जनौ घाइते भएको प्रहरीले जनाएको छ । घाइतेको धुलिखेल अस्पतालमा उपचार हुँदैछ ।
प्रकाशित मिति: ३० चैत्र २०७३, बुधबार
