भोजपुरमा पाँच दिनदेखि एक व्यक्ति बेपत्ता
भोजपुर, चैत्र २७
भोजपुरको आमचोक गाउँपालिका वडा नं ३ का एक व्यक्ति ५ दिन देखि वेपता भएका छन् । साविक थिदिंखा ८ का ५५ वर्षिय प्रेम वहादुर वस्नेत वेपता भएको इलाका प्रहरी कार्यालय घोरेटारले जनाएको छ ।
चैत्र २२ गते तेल पेल्न गएका वस्नेत तेल पेलेर घर फकर्ने क्रममा वाटैबाट वेपता भएका हुन् । उनले वोकेको तेल भने वाटोमा नै भेटिएको थियो ।
वस्नेत वेपता भएको उजुरी परिवारले दिए पछि उनिसँगै तेल पेल्न गएका २ जना स्थानियसंग प्रहरीले सोधवुझ गरेको छ । सोधवुझको क्रममा उनिहरुले आफुहरु फोनमा वोल्दै गर्दा पछाडी छोडिएको र उनि कता गए भन्ने केहि पत्तो नपाएको वताएका छन् ।
उनको खोजीको लागि प्रहरीसंगै स्थानियलाई हुलीया दिएर खोजी भईरहेको प्रहरी जनाएको छ । कहि कसैले भेटेमा परिवार वा प्रहरी खवर गर्न पनि सवैलाई प्रहरीले आग्रह गरेको छ ।
प्रकाशित मिति: २७ चैत्र २०७३, आइतबार
