निर्वाचन सम्बन्धी सामग्री जिल्ला पठाउन सुरु

काठमाडौ , चैत्र २७
निर्वाचन आयोगले स्थानीय तह निर्वाचनका लागि आवश्यक सामग्री जिल्ला पठाउन सुरु गरेको छ । आयोगले शनिबारसम्ममा ५४ जिल्लाका लाग मतदाता शिक्षा सम्बन्धी सामग्री पठाएको जनाएको छ ।यस पटक मतदाता शिक्षाका लागि पाँच प्रकारका पोस्टर, निर्वाचनका सम्बन्धमा बारम्बार सोधिने प्रशनको जवाफ, हातेपुस्तिका, स्रोत पुस्तिका जस्ता सामग्री तयार पारिएको मतदाता शिक्षा शाखा प्रमुख नवराज ढकालले जानकारी दिए ।

मतदाता शिक्षाका लागि वैशाख १ गतेदेखि २१ हजार मतदाता शिक्षा कार्यकर्ता र स्वयंसेवक मतदाताको घरदैलोमा खटिने आयोगले जनाएको छ । उनीहरुले मतदानका विषयमा शिक्षा प्रदान गर्नेछ ।आयोगले मतदाता परिचय वितरणको काम भने आगामी वैशाख २८ देखि ३० गतेसम्म सम्बन्धित मतदान केन्द्रबाटै गर्ने निर्णय गरेको छ ।