भिरबाट लडेर महिलाको मृत्यु

सल्लेरी (सोलुखुम्बु), चैत्र २६

सोलुखुम्बुको दूधकोसी गाउँपालिकामा भिरबाट लडेर एक महिलाको मृत्यु भएको छ । गाउँपालिका–४, काँकु निवासी ५४ वर्षीया रामकुमारी राईको आज लडेर मृत्यु भएको प्रहरी निरीक्षक प्रद्युम्न अधिकारीले जानकारी दिनुभयो ।

आज अपराह्न ३ बजे छिमेकीको बारीमा घाँस काट्न गएकी राईलाई अपराह्न ४ बजे खोलाको बगरमा मृत अवस्थामा भेटिएको प्रहरीले जनाएको छ ।