सिरहाको एक इलेक्ट्रोनिक्स गोदाममा भीषण आगलागी

लहान, चैत्र २६

सिरहाको मिर्चैया नगरपालिका ५ स्थित विद्युतीय सामानको गोदाममा शनिबार बिहान भएको आगलागीमा करिब एक करोड रुपैयाँ बराबरको क्षति भएको छ।

मिर्चैया ५ स्थित यशोदा इलेक्ट्रोनिक्सका सञ्चालक जीवन श्रेष्ठको इलेक्ट्रोनिक्स गोदाममा शनिबार बिहान २ बजेतिर आगलागी हुँदा गोदाममा राखिएका फ्रिज, राइसकुकुर, वासिङ् मेसिन, विद्युतीय आइरन लगायतका सामान जल्दा उक्त परिमाणको क्षति भएको इलाका प्रहरी कार्यालय मिर्चैयाका प्रहरी निरीक्षक यम अधिकारीले जानकारी दिए।

हावाहुरीसँगै परेको चट्याङले गोदामभित्र विद्युत् आपूर्तिका लागि जडान गरिएको तार सर्ट हुँदा आगलागी भएको हुन सक्ने आशङ्का गरिएको प्रहरी निरीक्षक अधिकारीले बताए। आगलागी नेपाल प्रहरी, सशस्त्र प्रहरी, स्थानीय बासिन्दा, मिर्चैया, लहान र सिरहाबाट गएको बारुण यन्त्रणको संयुक्त प्रयासमा बिहान ४ बजेतिर निभाइएको प्रहरीले जनाएको छ।