जबरजस्ती रकम असुल गर्ने पक्राउ

काठमाडौँ,  चैत्र २५

महानगरीय प्रहरी अपराध महाशाखाले जबरस्ती रकम असुल गर्ने एक जनालाई पक्राउ गरेको छ । महाशाखाबाट बिहीबार खटिएको टोलीले काठमाडौँ उपत्यकाका विभिन्न ठाँउका व्यवसायीसँग जबरस्ती रकम असुल गरेको भन्दै काभ्रे घर भई पुरानो बानेश्वर बस्ने योगेन्द्र लामालाई पक्राउ गरेको हो ।

उनलाई महाशाखाले आज सार्वजनिक गरेको हो । लामाले सुमन पुडासैनी, युवराज स्याङ्तानलाई धारिलो हतियार देखाई नगद रु सात हजार, आइफोन, सामसुङ मोबाइल लुटेको र २०७० सालमा सीताराम श्रेष्ठ र सुवास राउतलाई खुकुरी प्रहार गरी घाइते बनाई ज्यान मार्ने घटनामा सङ्लग्न रहेको प्रहरीले जनाएको छ ।