दुर्घटनामा एक जनाको मृत्यु

दोलखा, चैत्र १८
दोलखाको तामाकोशी गाउँपालिका–१ भिरकोट कालीदहमा गएराती ट्रिपर दुर्घटना हुँदा एक जनाको मृत्यु भएको छ । मृत्यु हुँनेमा बैतेश्वर गाउँपालिका–१ गैरीमुदीका संजिव तमाङ रहेको जिल्ला प्रहरी कार्यालय दोलखाका प्रहरी निरीक्षक रमेश प्रधानले जानकारी दिए ।

लु अ प ५४६ नम्बरको ट्रिपर दुर्घटनामा गैरीमुदीका प्रभुशरण मोक्तान र गैरीमुदीकै ट्रिपर चालक अविनाश तमाङ घाइते भएका छन् । चालक तमाङको चरिकोटमा उपचार हुन नसकेपछि गएराती नै उपचारको लागि काठमाडौं ल्याइएको छ ।

अर्का घाइते प्रभुशरण मोक्तानको सदरमुकाम चरिकोटस्थित च्छोरोल्पा जनरल अस्पतालमा उपचार भइरहेको छ ।