लागू औषध सहित दुई पक्राउ
चितवन, चैत्र १८
चितवनको खैरहनी नगरपालिका ८ पर्सा बाट अवैध लागू औषध सहित दुई जना पक्राउ परेका छन् । नवलपरासी ४ बर्दाघाट बस्ने २३ बर्षीय रमेश मल्ल ठकुरी र सोहि ठाउँका २१ बर्षीय सन्दिप भुजेल पक्राउ परेका हुन् ।
उनीहरुको साथबाट डाईजापाम ४८ थान, नुर्फिन २६ थान र फेनारर्गन ३५ थान बरामद गरिएको प्रहरीले जानाकारी दिएको छ । ईलका प्रहरी कार्यालय खैरहनीले गए राति सवारी साधन चेकजाच गर्ने क्रममा उनीहरु पक्राउ परेका हुन् ।
पक्राउ परेकालाई लागूऔषध मुद्धामा म्याद थप गरी अनुसन्धान थालिएको ईलका प्रहरी कार्यालय खैरहनीका प्रहरी निरीक्षक निल बहादुर बिकले जानकारी दिए ।
प्रकाशित मिति: १८ चैत्र २०७३, शुक्रबार
