दक्षिण कोरियाका अपदस्थ राष्ट्रपति पार्क गुएन हाय पक्राउ
काठमाडौं, चैत १८
दक्षिण कोरियाका अपदस्थ राष्ट्रपति पार्क गुएन हायलाई प्रहरीले पक्राउ गरेको छ । भ्रष्टाचारको अभियोग लागेका पार्क गुएन हाय लाई अनुसन्धानका लागि हिरासतमा लिइएको त्यहाँको सञ्चार माध्यमले जनाएको छ ।
अदालतले हायलाई हिरासतमा लिन अनुमति दिएपछि पक्राउ गरिएको हो । अब नजर बन्दमा राख्ने सकिने अन्तराष्ट्रिय सञ्चार माध्यमले जनाएका छन् ।
दक्षिण कोरियामा राष्ट्रपति पदमा चुनिने ६५ वर्षिय पार्क गुएन हाय पहिलो महिला हुन । दक्षिण कोरियामा अपराधमा तानिएर हिरासतमा पर्नेमा हाय तेस्रो राष्ट्रपति हुन ।
बिहीबार अदालतमा पेश भएका हायले ९ घण्टासम्म उपस्थिति जनाउनु भएको थियो । हायलाई भ्रष्टाचारसँगै सरकारी गोप्य सूचना चुहावट गरेको आरोप पनि लागेको छ ।
प्रकाशित मिति: १८ चैत्र २०७३, शुक्रबार
