आगलागीमा ३ घर जलेर नष्ट
दाङ, चैत ५
दाङको सतवरीया –९ अमिलियामा शुक्रबार साँझ भएको आगलागीमा परी ३ घर जलेर नष्ट भएका छन । स्थानीय मोहन विकको घरबाट लागेको आगो छिमेकमा पनि सल्किँदा ३ वटा घर र १ गोठमा पूर्ण क्षति पुगेको हो ।
घरमा रहेका लत्ता कपडा, अन्नपात र नगद गरी लाखौँको क्षति भएको प्रहरीले जनाएको छ । आगो स्थानीय र प्रहरीको सक्रियतामा निभाइएको थियो । आगलागीको कारण खुल्न सकेको छैन ।
प्रकाशित मिति: ५ चैत्र २०७३, शनिबार
