म्यानचेस्टर सिटी सेमिफाइनलमा प्रवेश
![](https://www.deshkonews.com/wp-content/uploads/2017/03/manchester-new.jpg)
काठमाण्डौ फागुन २९
म्यानचेस्टर सिटी एफए कप फुटबलको सेमिफाइनलमा प्रवेश गरेको छ । शनिबार राति भएको क्वाटरफाइनलमा जित निकाल्दै सिटीले अन्तिम चारमा स्थान बनाएको हो । सिटीले मिडल्सबर्गलाई उसकै मैदानमा २–० ले हराएको हो ।
म्यानचेस्टर सिटीको जितमा डेविड सिल्भा र सर्जियो अग्युरोले गोल गरे । तेस्रो मिनेटमा नै सिल्भाले गोल गर्दै सिटीलाई सुरुवाति अग्रता दिलाए । पहिलो हाफमा १–० ले अघि रहेको सिटीका लागि ६७ औं मिनेटमा अग्युरोले गोल गरेर २–० को जित दिलाए ।
मिडल्सबर्गका गोलरक्षक ब्राड गुजानले धेरै राम्रा बचाउ गरे । उनले ड्यानी सिल्भा, लिरोय सेन र अग्युरोको प्रहारको सुन्दर बचाउ गरेका हुन् ।
प्रकाशित मिति: २९ फाल्गुन २०७३, आइतबार