भाेलि नेपाल र केन्या भिड्दै, सुनिल धमलाको डेब्यू, पारस के गर्लान ?

काठमाडाैं, फागुन २७

विश्व क्रिकेट लिग च्याम्पियनसिपमा शनिबार नेपाल र केन्या मैदानमा उत्रिँदैछन् ।  भाेलि मैदानमा  उत्रँदा नेपाली टोलीबाट सुनिल धमलाले डेब्यू गर्ने लगभग पक्का छ ।

उनले उपकप्तान ज्ञानेन्द्र मल्लसँग ओपनिङ गर्नेछन् । यू-१९ क्रिकेटबाट आएका उनी पछिल्लो समय निकै लयमा देखिएका छन् ।

यस्तै अलराउण्डर मेहबुब आलम पनि सम्भवत केन्याविरुद्ध मैदान उत्रिनेछन् । उनी दुई वर्षपछि उनी टोलीमा परेका छन् । प्रशिक्षक टमाटाले भने, उनले जुन प्रदर्शन गरेका छन्, त्यसलाई हेरेरै टिममा ल्याइएको हो । लोअर मिडिल अडरमा उनको रोल छ र, उनको बलमा स्वीङ पनि छ ।’

लोअर अडरमा टमाटासँग विनोद भण्डारी र मेहबुबसँगै दिपेन्द्र सिंह ऐरी विकल्प छन् । दिपेन्द्र यू-१९ र राष्ट्रिय प्रतियोगिताहरुमा आक्रमक ब्याटिङ गर्दै राष्ट्रिय टोलीमा परेका छन् र, डेब्यूको पर्खाइमा छन् ।

पारस के गर्लान ?

झण्डै तीन साता अघि मात्र एपेन्डिक्सको शल्यक्रिया गरेका कारण कप्तान पारसले अझै फिट भइसकेका छैनन् । उनले केही दिनदेखि अध्यास गरिरहेका छन् ।

तर, शनिबार खेल्ने नखेल्ने अझै निश्चित भइसकेको छैन । शुक्रबारको अभ्यासपछि उनले भने, मलाई त खेल्न मन छ । तर, सम्भवत भोलि निर्णय लिन्छौं ।’

राष्ट्रिय टोलीका प्रशिक्षक जगट टमाटाले पारस मानसिक रुपमा फिट रहेको बताए । यदि पारस नखेले विकल्पमा कसलाई खेलाउने योजना रहेको उनले बताए ।

तर, कप्तान पारसको अनुपस्थितिले नेपालको सिंगो टिम केही दबावमा पर्ने त त छँदैछ, मिडिल अडरको ब्याटिङमा पनि समस्या आउनसक्छ ।