एमालेको मेची महाकाली अभियान हेटौंडाबाट आजदेखि फेरि सुरु

काठमाडौं, फागुन २७

सप्तरी घटनापछि स्थगित भएको नेकपा एमालेको मेची महाकाली अभियान शुक्रबारदेखि फेरि सुरु हुँदैछ । अभियानका क्रममा गएको सोमबार सप्तरीमा प्रहरीको गोली लागेर चारजनाको मृत्यु भएपछि एमालेले तीन दिनका लागि अभियान स्थगित गरेको थियो । एमालेले  हेटौंडाको भुटनदेवी चौरमा हुने सभामा शीर्ष नेताले सम्बोधन गर्ने एमालेले जनाएको छ ।

सप्तरी घटनापछि प्रधानमन्त्री पुष्पकमल दाहाल प्रचण्डले एमालेलाई अभियान रोक्न आग्रह गरेपनि एमालेले अभियान नरोक्ने जनाएको हो । एमालेका अध्यक्ष केपी शर्मा ओलीले कसैको विरोध गर्न मेची महाकाली अभियान संचालन नगरेको भन्दै आफ्नो कुरा राख्न नागरिकमाझ गएको दर्याए । सप्तरी घटना र अभियानबारे जानकारी दिन एमालेले  देशैभरि अगुवा कार्यकर्ता भेला र सभा गर्ने निर्णय पनि गरेको छ ।