सातामा दुई दिन पार्टी कार्यालय पुग्न मन्त्रीहरूलाई देउवाको निर्देशन

काठमाडौं । नेपाली कांग्रेसबाट सरकारमा सहभागी मन्त्रीहरूलाई सातामा दुई दिन पार्टी कार्यालय पुग्न सभापति शेरबहादुर देउवाले निर्देशन दिएका छन् ।

सभापति देउवालेले कांग्रेसबाट संघीय सरकारमा सहभागी रहेका १० जना मन्त्री र दुई जना राज्यमन्त्रीलाई सातामा दुई दिन केन्द्रीय कार्यालय सानेपा पुग्न निर्देशन दिएका हुन् ।

सभापति देउवाको निवास बूढानीलकण्ठमा बिहीबार बसेको संसदीय दल कार्यसमिति र मन्त्रीहरूको संयुक्त बैठकमा बोल्दै सभापति देउवाले मन्त्रीहरूलाई दुई दिन केन्द्रीय कार्यालयमा पुग्न निर्देशन दिए।

पार्टी कार्यकर्ताहरूले मन्त्रीहरूले गुनासा नसुनेको भनेपछि कांग्रेसले मन्त्रीहरूलाई सातामा पाँच दिन मन्त्रालयमा बस्न र कम्तिमा दुई दिन केन्द्रीय कार्यालय सानेपामा पुग्न आग्रह गरिएको कांग्रेस स्रोतले बतायो ।