सुनको मूल्य आज घट्यो, कति छ तोलाको ?

काठमाडौं, माघ १ । नेपाली बजारमा आज (मंगलबार) सुनको मूल्य घटेको छ ।

सुन आज अघिल्लो दिन (सोमबार)को तुलनामा आठ सय रुपैयाँ घट्दै प्रतितोला एक लाख ५५ हजार रुपैयाँमा कारोबार भइरहेको छ ।

सुन हिजो प्रतितोला एक लाख ५५ हजार आठ सय रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार आज चाँदीको मूल्य पनि घटेको छ ।

चाँदी आज तोलामा ४० रुपैयाँ घट्दै प्रतितोला एक हजार आठ सय २० रुपैयाँमा कारोबार भइरहेको महासंघले जनाएको छ ।