बाँकेमा ट्याक्टर पल्टिँदा युवकको मृत्यु, चालक फरार

बाँके, पुस २९ । बाँकेमा ट्याक्टर पल्टिँदा एक युवकको मृत्यु भएको छ ।

जिल्लाको जानकी गाउँपालिका ३ इन्दरपुरमा आइतबार ट्याक्टर दुर्घटना हुँदा नेपालगञ्ज –१६ जैसपुरका अन्दाजी ३४ वर्षीय रफिक अन्सारीको मृत्यु भएको हो ।

अन्सारीले ट्याक्टरमा मजदुरी गर्दै आएका थिए । दुर्घटनापछि ट्याक्टर चालक फरार छन् । उनी पनि घाइते रहेका प्रहरीले जनाएको छ ।

नेपालगञ्जबाट करमोहनातर्फ जाँदै गरेको भे १ त ९८२६ नम्बरको ट्याक्टर दुर्घटना भएको प्रहरीले जनाएको छ ।