वन रक्षकका लागि आवेदन खुल्यो (सूचनासहित)

विराटनगर, पुस २९ । कोशी प्रदेशमा वन रक्षक पदका लागि दरखास्त आह्वान गरिएको छ ।

प्रदेश निजामती सेवा अन्तर्गत प्राविधिक तर्फका प्रदेश वन सेवा, जनरल फरेष्ट्री समूह, सहायक स्तर तेस्रो तह, वन रक्षक पदको खुला तथा समावेशी प्रतियोगितात्मक परीक्षाको विज्ञापन प्रकाशित गरिएको हो ।

प्रदेश निजामती सेवा तर्फका सेवा, समूह, उपसमूह तथा तहका पदहरूमा (खुला तथा समावेशी) प्रतियोगितात्मक परीक्षाद्वारा पदपूर्ति गर्नुपर्ने भएको उल्लेख गर्दै आयोगले योग्यता पुगेका उम्मेदवारहरूबाट दरखास्त आह्वान गरेको छ ।

आयोगको सूचनाअनुसार वन रक्षकमा खुलातर्फ १७, आदिवासी जनजातितर्फ ५, महिला ४, दलित, थारु, मधेशी र मुस्लिमतर्फ एक–एक जनाका लागि दरखास्त आह्वान गरिएको छ ।

योग्यता पुगेका उम्मेदवारहरूले आयोगको अनलाइन दरखास्त प्रणाली उकअयलष्लिभ.उ१.नयख.लउ मार्फत आवेदन दिनुपर्ने जनाइएको छ ।

दरखास्त दिने अन्तिम मिति माघ २० गते र दोब्बर दस्तुर तिरी माघ २७ गतेसम्म रहेको छ ।